وش غرضهن

وش غرضهن ؟؟
يا طبيب القلوب ان كان تعرف مرضهن ... هن يداون جروح الوقت او ما يداون
الغريبه جروحي مــــا يدانن بعضهن ... بس من طــول مدّتهن بقلبي تـــخاون
كل ما اونستهن قمت اشتكي وآعرضهن ... مير ذا الوقت ف الشدات محدٍ يعاون
شف تردّن عزومي مير محدٍ نهضهن ... كل من رحت يمه قال : ما ينتداون
حسبي الله على اللي وسط قلبي فرضهن ... لين خلا الليالي في عيوني تساون
يا طبيب القلوب ارجوك شف وش غرضهن ... قوم انا انت تكفا يا طبيب نتعاون
اكثر الناس قالوا كلمتين آحفظهن ... ما يطيب المرض دام المريض يتهاون